وكالات//

تضامن المغني البريطاني المشهور روجر ووترز لي معروف أنه هو المؤسس ديال فرقة بينك فلويد العالمية، مع الطيار العسكري الميريكاني لي حرق راسو قدام السفارة ديال إسرائيل فواشنطن ولي سميتو آرون بوشنيل.

المغني البريطاني دار واحد البوسط على الكونط ديالو على موقع “إكس” وكتب فيه أنه “مقدرش نهائيا يمحي من بالو الصورة الأخيرة ديال آرون بوشنيل.

وعاود نشر المغني ووترز الفيديو لي صور أوشنيل فآخر الحياة ديالو قبل مايكب على راسو ليصانص ويشعل فيهو العافية قدام السفارة ديال إسرائيل في واشنطن وهو كيغوت “الحرية لفلسطين”.

وكان قال أوشنيل فهاد الفيديو أنه مايقدرش يتواطأ مع بلادو لي كتعاون إسرائيل في الإبادة الجماعية ديال الفلسطينيين ف غزة.