كود سبور//

ولات كتعتبر اللاعبة المغربية نهيلة بنزين، اللي كانت أول لاعبة فالتاريخ كتلعب كأس العالم بالحجاب، (ولات) كتعتبر مثال للتحرر فالكورة العالمية، حيث ما تسوقات لحتى شي حد ودخلت لعبت بالفولار حيث هي باغيا تلبسو.

وبعدما دازت تقريبا 3 أشهر على كاس العالم، رجعت نهلية بنزينة للواجهة، وهذه المرة من خلال سطوري فأنستكرام ماشي ديالها، ولكن ديال نجم تشيلسي النكليزي بن تشيلويل، اللي نشر صورة ديالها بالحجاب ومع عبارة: “لبس اللي بغيتي.. دير داكشي اللي كتحس به”.

وكانت نهيلة بنزينة دارت البوز فكأس العالم للعيالات 2023 فأستراليا، ملي دخلت لعبت مع المنتخب الوطني المغربي بالحجاب، كأول لاعبة كتلبس الفولار فالمونديال، وطبعا هذا الشي خلف موجة تأييد لها كيفما خلف موجهة انتقادات لها.