كود سبور//

عبر الدولي الإسباني هيكتور بيليرين على الدعم ديالو للعيالات اللي كايلعبو الكورة، وطالب بالمساوات بين الرجال والنسا فالصاليرات.

وفتصريح جريئ له، قال هيكتور بيليرين نجم ريال بيتيس الإسباني لراديو “كادينا سير” الإسباني: “أنا بغيت غير العدالة والمساواة وناخذو كاملين نفس الصاليرات والحقوق كرياضيين”.

وكمل نجم الكورة الإسبانية مول 29 عام، اللي فايت لعب مع فرق إسبانية أوروبية كبيرة بحال البارصا وأرسنال وسبورتينگ لشبونة واخا ما طولش معهم وقال على المساواة بين الرجل والمرأة فالفلوس فالكورة: “كيفاش غانديرو لها؟ ما عرفتش ولكن اللي عارف أن كورة الرجال خاصها تعاون هي فيها الفلوس، وخاصنا نتحملو المسؤولية”.