كود سبور//

تقدم اللاعب الاسترالي جوش كافالو وطلب يد صاحبو، فخطوة جريئة منو من شأنها تخلي عدد من اللاعبين ديال الكرة فالعالم يخرجو يكشفو على المثلية الجنسية ديالهم.

جوش كافالو لاعب أديلايد الأسترالي اللي عندو 24 عام، قرر يفاجأ الحبيب ديالو وجابو للتيران ديال الفريق، وتحنى على ركبتو وهز الخاتم ديال الخطوبة وطلب منو الزواج، وركب له الخاتم، وعنقو وشدو فيد بعضياتهم.

وشكر جوش كافالو فالإنستغرام، الفريق ديالو أديلايد الأسترالي وقال لهم: “دعمكم كيعني ليا بزاف، عطيتوني مساحة آمنة باش نلعب الكورة ما كنتش كنحلم نتوفر عليها وشجعتوني نعيش حياتي بشكل طبيعي، داكشي علاش كان خاصني نشارك معكم هاد اللحظات الخاصة فالتيران مللي بدا كلشي”.