كود سبور//

عبرو أساطير الكورة الأفريقية على تضامنهم الكبير مع ضحايا زلزال الحوز، وهذا الشي فماتش خيري جمع النجوم المغاربة السابقين وبنجوم أفريقيا السابقين، البارح فمراكش وهذا الشي على هامش جوائز الاتحاد الأفريقي 2023، اللي غيمنحها الكاف فحفل اليوم الاثنين بالمدينة الحمرا.

ونشر الاتحاد الإفريقي لكرة القدم فالموقع ديالو الرسمي صباح اليوم الاثنين ردود الفعل ديال أساطير الكورة الأفريقية اللي لعبو الماتش الخيري، وبدا بالأسطورة السنغالية حاجي ديوف أفضل لاعب أفريقي مرتين  2001 و2002، واللي قال: “نحن أفريقيا واحدة وملي كتضرر دولة واحدة، نجتمع لإظهار الدعم، يجب أن نكون معا خاصة في مثل هذه الأوقات، بغينا نبينو  للعائلات بلي حنا واقفين معهم وما غنساوش شنو وقع لهم.. حنا متأسفين بزاف للخسارات ديالهم”.

أما كابتان التوكو السابق إيمانويل أديبيور فقال: “من المهم بزاف نكونو هنا من أجل سكان مراكش وباش يعرفو أننا معهم فهاد الشي، ورؤية الأطفال الصغار فمراكش فالمدرجات والملعب كيعني لنا بزاف،  نريد حقا أن نظهر لهم أننا نقف معهم.. عندما كنت صغيرا، دعمني الأب ديالي في التعليم وبكل طريقة ممكنة، لذلك شعرت بألمهم وأملهم باش يمشيو بعيد، وحنا معهم”.