وكالات //

تعرضات النجمة الميريكانية ليزا كوشي لموقف محرج بزاف بعدما ضرباتها بواحد الطيحة خايبة فوق السجاد الأحمر ديال حفل الأوسكار وقدام العدسات ديال الكاميرات.

النجمة الميريكانية لي بدات ف اليوتوب شوية دازت للتمثيل والتقديم التليفزيوني شاركات ف “بلايرز”Players على منصة “نتفلكس ” Netflix.

وفالوقيتة لي كانت جايا فيها باش تاخذ تصاور بحالها بحال كاع النجوم المشاركين ف الحفل، عكلاتها الكسوة الطويلة والسباط العالي لي لبسات وهي تضربها بطيحة.

ولكن قدرات أنها تجمع راسها بالزربة وقلباتها ضحك كيف العادة.