گود سبور//

مشات اللعبة الدولية المغربية سناء مسودي نجمة فريق الجيش الملكي لكرة القدم النسوية، تحترف فالبطولة الفرنسية.

وانتقلت سناء مسودي إلى فريق إف سي فلوري 91 د العيالات، وسنات اليوم الاربعاء العقد ديالها مع الفريق الفرنسي، وغازي تلعب معهم حتى لصيف 2028.

وعرفت السنوات الأخيرة، تصدير البطولة المغربية د العيالات للاعبات مغربيات نحو الفرق الأوروبية فإسبانيا وفرنسا، بحال حنان ايت الحاج وغزلان الشباك وفاطمة تاگناوت مع اختلاف فنسبة نجاح التجارب، ولكن المهم هو ان المرأة المغربية بدات كاتبين على القدرات ديالها فالكورة.