وكالات//

طالبت نجمة البوب الميريكانية سابرينا كاربنتر، الثلاثاء، من البيت الأبيض يوقف استعمال الموسيقى ديالها، من بعد ما عرضات إدارة الرئيس دونالد ترامب واحد الفيديو فالسوشيال ميديا كيبان فيه أعوان الهجرة والجمارك وهما كيشدّو الناس.

الفيديو، اللي نشراتو الإدارة نهار الاثنين، كيبين أغنية كاربنتر المشهورة “جونو” اللي خرجات فـ2024. وكيبانو فيه رجال إنفاذ قانون الهجرة الفيدراليين كيطاردو ناس وكيشدوهم، والمارة كيسجلو داكشي بتليفوناتهم.

وجا فالتعليق ديال الفيديو: “جرّبتي هادشي قبل؟ باي” ـ فإشارة لكلمات الأغنية ـ ومعاه إيموجيز.

وكتبات كاربنتر، اللي عندها 25 عام، فـ”إكس”: “هاد الفيديو خايب ومقزّز. ما تخلّطونيش ولا تستغلو الموسيقى ديالي فالأجندة اللاإنسانية ديالكم.”

وفالرد، قالت المتحدثة باسم البيت الأبيض، أبيغيل جاكسون: “رسالة قصيرة وواضحة لسابرينا كاربنتر: ما غاديش نعتاذرو على ترحيل المجرمين الخطيرين غير الشرعيين، والمغتصبين، ومتحرشي الأطفال من بلادنا. وأي واحد كيدافع على هاد الوحوش خاصو يكون غير عاقل (…).”