كود – وكالات//

عاود هدد رئيس الحكومة الإسرائيلية بنيامين نتنياهو، اليوم الأحد، بإسقاط النظام الإيراني، وقال بلي إسرائيل عوالة طيح إيران.

نتنياهو، اللي كان كيهضر فاجتماع للحكومة الإسرائيلية بمناسبة رأس السنة العبرية، قال بلي إسقاط النظام الإيراني كيبقى الهدف الرئيسي لإسرائيل، وزاد بأن طهران غادي تاخد ضربة «ما غاديش تخليها تگعد الراس» إلا قررات تهاجم إسرائيل.

ووصف نتنياهو النظام الإيراني بأنه «ضعيف، كيتقاتل باش يبقى واقف»، وقال بلي النظام قرّب يوصل للنهاية ديالو، وزاد أكد أنه كاينة «مهمة أخرى» خاصها تكمل، فإشارة لإسقاط النظام الإيراني، وشدد على أن إسرائيل مصممة تنجزها.

هاد التصريحات كتجي فوسط سلسلة ديال التهديدات والمواقف اللي سبق لنتنياهو عبّر عليها بخصوص مستقبل النظام الإيراني، مني قال إن إسقاط النظام الإيراني «فالمتناول»، واعتبر أن النظام ولى ضعيف من أي وقت فات، مع الحرب اللي شعلات نهار 28 فبراير بين طهران وواشنطن وتل أبيب.

وفنفس السياق، طلق الجيش الإسرائيلي صباح الأحد تمرين على مستوى هيئة الأركان العامة، باش يختبر الجاهزية ديالو للتعامل مع أي تطور جاي على غفلة.