وكالات //
كتدرس بلاطفورم “نتفليكس” باش تستثمر في حقوق بث ونقل مجموعة من المسابقات على حسب ما قال جورنال “وول ستريت جورنال” لي جاب معلومات خاصة وحصرية.
المصادر ديال الجورنال من داخل الشركة، قال إن نتفليكس رحبات بفكرة أنها تنقل الفعاليات الرياضية مباشرة على منصتها، لأن هادشي ما غاديش يشكل عبء مالي عليها.
نتفليكس، وعلى حساب المصدر نفسه قدمات مؤخراً، عرض باش تاخذ حقوق بث بطولات ديال اتحاد لاعبي التنس المحترفين في بعض الدول في أوروبا منها فرنسا وبريطانيا، ومن بعد انسحبت بسباب التكلفة المالية العالية.
وناقشات نتفليكس عروض تقدمات ليها باش تنقل فعاليات أخرى في بريطانيا بحال كرة التنس ديال لعيالات ومسابقات ركوب البيكالات وبطولة الرابطة العالمية ديال ركوب الأمواج.
المسؤولين التنفيذيين ديال نتفليكس كيقلبو باش ينقلو فعاليات رياضية أخرى بالحقوق ديالها تكون أقل شهرة وفي نفس الوقت أقل تكلفة.
هاد الخطوات لي كديرهم نتفليكس جاو في الوقت لي كتكافح فيه باش تلقى مشتركين جداد خصوصاً مع زيادة المنافسة مع منصات أخرى بحال Walt Disney Co وApple وAmazon.
