وكالات//

كاتسعى منصة نتفليكس تمحي الفوضى اللي طبعات العلاقة ديال دوق ودوقة ساسكس، ميغان ماركل والأمير هاري، وتعوّضها بشراكة ملكية أكثر استقرار.

وحسب تقارير صحفية، فالمنصة كتشوف أن التعاون مع الأمير ويليام والأميرة كيت ميدلتون غادي يعطيها مصداقية وجاذبية أكبر مقارنة مع التجربة السابقة.

الصحافي المتخصص فالشؤون الملكية، روب شوتر، أكد أن محادثات غير رسمية بدات بالفعل، خصوصاً من بعد ما سال العقد مع هاري وميغان، اللي ما حققش النجاح المتوقع بعد فشل الموسم الثاني من برنامج ’’مع حبي، ميغان‘‘.

والمعروف أن محتوى هاري وميغان كان دائمًا كيثير الجدل، خاصة من بعد تصريحات ميغان حول العنصرية، وردود الفعل ديال القصر الملكي.

ودابا، كيبان أن نتفليكس باغية تصلّح العلاقة ديالها مع العائلة الملكية، من خلال مشاريع إنسانية كيقودها ويليام وكيت، بحال جائزة إيرث شوت البيئية وحملة شيبينغ آس لتنمية الطفولة، فصيغة وثائقية بعيدة على برامج الواقع.