گود سبور//

نفى نبيل باها مدرب المنتخب الوطني المغربي لأقل من 17 عام، واش يكون قصد بالحركة اللي دار فماتش الأشبال ضد جنوب أفريقيا ضمن كاس أفريقيا U17، إهانة للجمهور المغربي أو شي حاجة لا رياضية ضدهم.

وفتصريح له من بعد ماتش المنتخب المغربي لأقل من 17 عام، ومنتخب جنوب إفريقيا، قال نبيل باها: أنا الحركة اللي درتها بيدي هي باش يزيدو يشجعو ويغوتو على الخصم.. أنا بغيت الصداع باش اللاعبين يتحمسو كثر، وفواحد الوقت كنا محتاجين لمساندة جمهورنا ويديرو شويا الصداع باش يهرسو هداك الهدوء اللي كان فمصلحة المنتخب الجنوب إفريقي، وهاذ الشي اللي كان”.

وكمل نبيل باها وقال: “ما تاخدوش عليا شي حاجة خايبة وراني بحال كل المشجعين المغاربة وعارف أن الجمهور المغربي كايبغي الكورة والرباح وتسجيل الأهداف، والجمهور ديما غايبقى معنا وحنا خوت مغاربة وما كاينش شي مشكل، والجمهور ديما كايبغي كثر ومن حقو ورباح ورا رباح ورا رباح”.