الرئيسية > آش واقع > نبيلة منيب ماقدراتش تحيد تصاور لبورنو من صفحتها … وخبير ل”كود”:الحل بسيط. كان عليها تبدل المودباس وتبدل إعدادات التطبيقات
30/04/2021 15:30 آش واقع

نبيلة منيب ماقدراتش تحيد تصاور لبورنو من صفحتها … وخبير ل”كود”:الحل بسيط. كان عليها تبدل المودباس وتبدل إعدادات التطبيقات

نبيلة منيب ماقدراتش تحيد تصاور لبورنو من صفحتها … وخبير ل”كود”:الحل بسيط. كان عليها تبدل المودباس وتبدل إعدادات التطبيقات

عفراء علوي محمدي- كود//

كيبان أن الحزب الاشتراكي الموحد على قدو ومافيهش كفاءات فالمعلوميات اللي تقدر تعالج مشكل الباج ديال الأمينة العامة نبيلة منيب، اللي ولات ضحكة للعادي والبادي بسباب السطوريات “الخادشة للخياء”..

“طاطا نبيلة”، كيف كيسميوها البعض، اليوم الجمعة سدات هذ الباب اللي جاية منها الريح باش تستريح، وحبسات الباج كلها على ما تصلح المشكل، وفالغالب غتكون حجباتها غير على المغرب، أو سيريماتها فخطرة، واخا كانو عندها فيها كثر من 280 ألف متابع، خصوصا وانها خرجات فكل مرة كتعتذر للمتابعين وتقول أنها صلحات المشكل، كيف توعدات بمتابعة هذ الناس اللي تسببو ليها فهذ الشوهة العالمية قضائيا، زعما اللي داخلين للصفحة ديالها وكيحطو هذشي.

ونشطاء كثار على مواقع التواصل الاجتماعي رجحوا مايكون حتى شي حد مخترق ليها الصفة، وإنما غيكونو تطبيقات فالفيسبوك دخلو ليهم مدراء الصفحة سهوا اكتيفاو امكانية نشر داكشي فالسطوري، الشي اللي تسبب لمنيب فهذ الإحراج الكبير مع متابعيها، واللي خلا بزاف منهم يسحب إعجابو بالصفحة، قبل ما تتخذ هذ القرار ديال إغلاقها أو حجبها.

محمد بنبوبكر، الخبير فمجال التطبيقات، صرح ل”كود” أن هذشي ممكن يكون راجع لتسريب مودوباسات أكثر من 200 مليون كونت فالفايسبوك فهذ جوج سيمانات اللخرى، من بينهم عدد كبير ديال ليكونت فالمغرب، وبالتالي “ممكن يكون مودوباس الصفحة ديال منيب بدورو تسرب، وبالتالي دخل شي حد يحط ليها فيه دوك السطوريات”، حسب تعبيرو.

وزاد الخبير فمجال التطبيقات انه فهذ الحالة “كيمكن لمنيب او القائمين على الصفحة ديالها يبدلو المودوباس، والمشكل محلول”، كيف قال.

من جهة خرى، كيقول بنبوبكر أن القائمين على الصفحة كان بإمكانهم يدخلو لليباراميتر ديال التطبيقات ويجيريوها، وقال ان هذ الإمكانية كيسولك عليها “فيسبوك” بمجرد ما كتبدل الرمز السري فلاباج، وكان بإمكان لمنيب تحل هذ المشكل “البسيط” بالنسبة ليه.

موضوعات أخرى

13/05/2021 21:00

رفيقي قصف المسلسلات المصرية اللي كتسوق لمغالطة صناعة ميريكان للتنظيمات الجهادية: هذا استخفاف بالعقول وفكرة سطحية.. ومايمكنش تكون أحداث 11 شتنبر غير تمثيل

13/05/2021 20:30

الصبليون.. 170 عاملة موسمية مغربية محنسرات فـ ويلبا. بغاو يرجعو لأسباب صحية أو على قبل الولادة أو وفاة أقارب والعودة ديالهم معلقة

13/05/2021 18:30

منشور “فايك” تداولوه الإعلام على استمرار تعليق الرحلات مع 54 دولة.. ومسؤول فالمكتب الوطني للمطارات لـ”كود”: ماصدرنا حتى بلاغ اليوم