گود سبور//

عبر الدولي المغربي نايل العيناوي ولد أسطورة التنس المغربي يونس العيناوي على الفخر ديالو حيث غايلعب مع المغرب، وانه جا للمنتخب المغربي.

وهضر نايل العيناوي لاعب روما الطالياني، وقال فتصريح للموقع الرسمي للجامعة الملكية المغربية لكرة القدم: “فرحان بزاف حيث أنا هنا، هذا الشي انكروايابل، وكلشي استقبلوني مزيان وغانبدا الخدمة دابا”.

وكمل نايل العيناوي وقال: “بصراحة هادي مدة وانا فتواصل مع المدرب وديما كان وديما كايعطيني نصائح وراني فرحان حيث كاين هنا وهذا شرف ليا”.

وزاد العيناوي: “انا واجد باش نعاون المنتخب، وكانتسنى غير امتى نتلقا الجمهور حيث قالو ليا الاجواء كاتكون واعرة”.

واكد ولد اسطورة التنس يونس العيناوي، وقال: “بابا هو مصدر تحفيز بالنسبة ليا وفرحان ملي كانسمعهم كايهضرو عليه وباغي نكمل داكشي اللي حقق”.