كود سبور//

يتسمر غياب الدولي المغربي نايف أگرد على ماتشات الفريق ديالو ريال سوسيداد الإسباني فبطولة الصبليون بسبب الاصابة.

واعلن ريال سوسيداد على لاليست ديال الفريق ضد جيرونا برسم الدورة 37 من بطولة الصبليون، وهو الماتش اللي ملعوب غدا الاحد، وما كاينش نايف أگرد فلاليست ديال الفريق.

وهذا هو الماتش الثالث متابع اللي كايغيب فيه نايف أگرد على ريال سوسيداد، بعدما غاب فالدورات اللي قبل هادي، ضد كل من سيلتا فيگو وأتليتكو مدريد، مع العلم انه لاعب مع سوسيداد غير إعارة حتى نهاية هذا الموسم من ويستهام النگليزي، وراه تعرض لإصابات متكررة هذا الموسم.