كود سبور//
توعت الدولي المغربي نايف أكرد مع الفريق ريال ريال سوسيداد فالماتش ضد ريال بتيس البارح الاحد ضمن منافسات بطولة الصبليون، ولكن الاصابة ديالو ماشي صعيبة.
وكشف مدرب ريال سوسيداد امانويل ألگاسيل، فتصريح لوسائل إعلام إسبانية، أن نايف أكرد ضراتو لاشوفي ديال رجليه، ووانا قاليه باغي يكمل الماتش ضد ريال بتيس ولكن قرر يخرجو احتياطا وما بغاش يغامر به خصوصا وانه كان واخد البطاقة الصفرا.
ويعتبر نايف أكرد حاليا احسن لاعب بفريق ريال سوسيداد الإسباني، ومن أحسن المدافعين فبطولة الصبليون، وقدر يرجع النيفو ديالو اللي تراجع بسبب الظروف اللي كان كايعاني منها فويستهام النگليزي الموسم الماضي.
