گود سبور//

كشفت وسائل إعلام فرنسية، أن الموسم الرياضي سالا عند الدولي المغربي نايف أگرد لاعب أولمبيك مارسليا الفرنسي، واللي ناوي يكون حاضر مع المنتخب الوطني المغربي فمونديال 2026.

وقال موقع But football الفرنسي، إن نايف أكرد غادي يغيب على التيرانات حتى يسالي موسم 2025-2026 بعد الإصابة اللي كانت عندو فمنطقة العانة واللي دار بسببها عملية جراحية.

ووضح الموقع، أن الموسم سالا عند نايف أگرد حيث محتاج لإعادة تأهيل كاملة بعد العملية الجراحية، مع العلم أنه كان مقرر يرجع اللاعب يلعب فشهر ماي الجاي.

وهذا الشي كايخلي نايف أگرد يواجه تحدي الجاهزية قبل كأس العالم 2026، واللي باغي يكون حاضر فيه مع المنتخب الوطني المغربي، والسؤال هنا واش غادي يقدر يكون اللاعب واجد للمونديال باش يلعب مع السبوعا خصوصا وأنه ما عندوش التنافسية.