گود سبور//

تعرض الدولي المغربي نايف أگرد المحترف مع أولمبيك مارسيليا الفزنسي، لاعتداء فـ مطار مارسليا الفرنسي اليوم الاثنين، ملي كان جاي للمغرب باش يلعب مع المنتخب المغربي ضد البحرين والگونگو.

وقالت شبكة “RMC” الفرنسية، نقلا عن قناة BFM Marseille Provence، أن نايف أگرد تعرض لاعتداء من شخص، الاثنين، فـ مطار مارينيان، بمدينة مارسليا الفرنسية ملي كان كايوجد باش يشد الطيارة من فرنسا للمغرب حيث عندو معسكر مع المنتخب المغربي.

وقالو المصدرين الفرنسيين، نقلا عن مصدر فـ البوليس الفرنسي، كان فـ لاصال VIP فـ المطار، كايتسنا الطيارة ديالو باش يسافر إلى المغرب، وهو يجي عندو شي واحد الشخص وطلب منو التيليفون ديالو ويتصور معه، شويا هذا الشخص اللي كان كايبان انه ماشي طبيعي بدا كايغوت وحاول يصرفق أگرد قبل ما يهرب، وراه شدوه البوليس، ولكن اللاعب المغربي ما بغاش يدير بلان حيث كان زربان وعندو الطيارة.