گود سبور//

نايض النحل على الدولي المغربي اشرف حكيمي كابيتان المنتخب الوطني المغربي، بعد الإقصاء من مونديال 2026، على يد فرنسا فربع النهائي.

المستوى ديال اشرف حكيمي فكاس العالم 2026، وخصوصا فالماتش ضد فرنسا اللي خسروه المنتخب الوطني المغربي بنتيجة 2-0، خلى الجماهير المغربية توجه له انتقادات قوية وقاصحة، لدرجة السبان والمعيار والجمهور كاعي عليه بزاف.

الأداء ديال اشرف حكيمي ما كانش مزيان فالمونديال، وضد فرنسا ما بانش گاع، وبحال إلى هزيتي لاعب باريس سان جرمان وحطيتي لاعب ديال الهواة، وكان كايمشي يحتج على الحكم، وفمواجهة مبابي والمهاجمين الفرنسيين كايبان حشمان، وما قادرش يواجههم.

الجمهور المغربي ولى كايشوف فأشرف حكيمي وعدد من اللاعبين المغاربة، انهم العام كامل كايكونو مزيانين مع أنديتهم، ولكن نهار كايوقف عليهم المنتخب المغربي فالماتشات المهمين والقاصحين ما كايبانوش ومستواهم كايكون كارثي.

خاص يكون تشخيص لأداء لاعبي المنتخب الوطني المغربي، وعلاش مستواهم كايكون ضعيف فالماتشات المهمين، وعلى رأسهم اشرف حكيمي.