كود سبور//

نايض الصداع على الدولي الفرنسي كيليان مبابي نجم ريال مدريد الإسباني، حيث عطاون عطلة باش يرتاح بسبب الاصابة اللي عندو وهو مشى سافر مع صاحبتو للطاليان.

وحسب جريدة “اس” الاسبانية، فريال مدريد غاضبين على كيليان مبابي بعدما سافر لكالياري مع صاحبتو الممثلة الإسبانية استر اكسبوسيتو، وان ريال مدريد عطاؤه الراحة حيث توعت فركبتو وعيا منهم بالمجهود اللي دار فهاد الموسم، وماشي باش يمشي يسافر فرحلة فالوقت اللي صحابو فالفريق كايلعبو ماتشات مهمين.

وغادي يدير مبابي فحوصات ملي يرجع للتداريب السيمانا الجايا باش يعرفو واش غادي يقدر يلعب الكلاسيكو.