كود سبور//

نايضة وسط جمهور الكوكب المراكشي بسبب واحد الفيديو ديال عبد الإله الحافيظي لاعب الفريق، وهو لاعب مع صحابو شي ماتش مينيفوت.

وحسب إدارة الكوكب المراكشي، فهاد الفيديو قديم، وعندو كثر من عام، وقبل ما يجي يلعب عبد الإله الحافيظي مع الفريق المراكشي.

الكوكب أكدو أن عبد الإله الحافيظي عندو احترافية عالية وانضباط تام، محترم الالتزامات ديالو التعاقدية مع الفريق المراكشي.

ووضحت إدارة الكوكب أن عبد الإله الحافظي موعت من نهار 12 فبراير اللي فات، وكايخضع للعلاج والراحة لمدة 6 السيمانات تحت إشراف الطبي.