وكالات//

تداولو رواد مواقع التواصل الاجتماعي واحد الفيديو كتبان فيه مدابزة وقعات داخل الكونغرس فمدينة مكسيكو سيتي ف المكسيك، شاركت فيه نائبات تابعين لجوج أحزاب مختلفين، بسبب خلافات قوية على قوانين كانت كتناقش داخل المجلس.

الفيديو كيبان كيفاش النقاش الكلامي تطوّر حتى ولى عراك باليدين، تبادلو فيه الضرب وشدّ الشعر بين النائبات، وسط محاولات ديال أعضاء آخرين باش يدخلو ويفرقو بينهم ويهدؤ الوضع داخل قاعة البرلمان.

وحسب تقارير محلية، رئاسة المجلس تضطرات توقف الجلسة مؤقتاً بسبب الفوضى اللي وقعات فالقاعة، وهاد الحادثة خلّقات جدل وانتقادات كبيرة على تصرفات بعض البرلمانيين وتأثير الصراعات السياسية على السير العادي للعمل التشريعي.