وكالات//

حلو البوليس ديال كندا لونكيط في واحد الواقعة وقعات حدا الباب ديال الدار ديال مغني الراب الكندي المشهور “دريك”.

على حساب ماقالت وكالة الأنباء الفرنساوية، فالواقعة هي أنه شي واحد مسلح ضرب بالرصاص حدا الدار ديال “دريك”.

وكتقول التقارير أن واحد السيد هزوه في حالة خطيرة للسبيطار بعدما ضرباتو قرطاسة، وتبين من بعد أن الراجل هو سيكيريتي وماشي المغني دريك.

كيجي هادشي في الوقت لي دخل فيه الرابور الكندي في كلاشات مع رابور آخر سميتو كندريك لامار، ولكن كيستبعدو الناس أن هاد الحادثة تكون عندها علاقة مع هاد شي.