گود سبور//

كايسبق ديربي جهة مراكش اسفي بين الكوكب المراكشي وأولمبيك اسفي اللي غادي يتلعب الاربعاء الجاي، ضمن مؤجل الدورة 9 من البطولة الاحترافية لكرة القدم، (كايسبقو) جدل كبير حول حصة التذاكر اللي خصصتها إدارة الكوكب للجماهير المسفيوية فتيران مراكش الكبير.

المسؤولين ديالو الكوكب المراكشي عطاو نسبة 5% من تذاكر الماتش لجمهور اولمبيك اسفي اي 1250 تذكرة من 25 ألف تذكرة مخصص للماتش، ودارو الاثمنة لجمهور الكوكب ابتداء من 30 درهم، بالمقابل دارو الدخلة لجمهور اولمبيك اسفي ابتداء من 60 درهم.

هذا الشي غادي يدير جدل بين الفريقين والجمهور ديالهم، خصوصا وان العلاقة بين الجماهير ديال الناديين فالسنوات اللي فاتت كانت ماشي هي هاديك، مع العلم ان گروب “الشارك” المساند لأولمبيك اسفي خرج بلاغ ندد فيه بما اعتبرها ارقام لا تمثل حتى ادنى نسب الحضور للجمهور ديالو وان هذا الشي فيه تضييق لا يخدم الكرة ولا روح المنافسة.