الرئيسية > تبركيك > نايضة ف محاكم مدريد على صبليونية لاباس عليها عندها عقارات ف المغرب
07/12/2021 19:00 تبركيك

نايضة ف محاكم مدريد على صبليونية لاباس عليها عندها عقارات ف المغرب

نايضة ف محاكم مدريد على صبليونية لاباس عليها عندها عقارات ف المغرب

كريم الصوفي – كود//

[email protected]

ذكرات تقارير اخبارية، أن قاضيا بالمحكمة الابتدائية ف مدريد صدر حكم بتفعيل إجراءات إعلان عجز مليونيرة اسبانية عن تدبير ثروتها بسباب المعاناة ديالها من مرض الزهايمر واستند القاضي على قاعدة كتسمح ليه بتعيين وصي قانوني على الاشخاص اللي كيعانيو عقليا من عجز ف الإدراك والتمييز.

وعلى حساب هاذ التقارير، هاذ ماشي مشكل، ولكن المفاجأة هو ظهور شخص كيدعي انه قريب ليها من درجة بعيدة، وهو الوحيد اللي مؤهل قانونيا باش يدير الثروة ديالها ولكن مدعى عليه في قضية اختلاس أموال.

واضاف موقع “أوكي دياريو”، أن “خوانا” اللي عندها 69 عام، كتملك ثروة كبيرة موزعة بين المغرب واسبانيا وأمريكا ودول أخرى، ما عندها عائلة أو أحفاد وبانو بزاف ديال الأشخاص فجأة بعد المرض ديالها، منهم هاذ القريب المفترض والمحامي ديالو اللي كانت غادي تعطيه وكالة توقيع كتسمح ليه بنقل ملكية أصولها ليه ف مقابل اخراجها من دار الرعاية. دابا القضية ما زال شابكة ف المحاكم..

https://okdiario.com/investigacion/juez-interna-residencia-heredera-millonaria-pone-riesgo-enorme-fortuna-8218827

موضوعات أخرى