كود – كازا ///

أمر مساعد المدعي العام ف اسبانيا بسجن ضابط شرطة بلدي في توريخون دي أردوز (مدريد) بسباب تورطه ف مقتل شاب مغربي على طريقة جورج فلويد. وحسب أوكدياريو الاسبانية، الضحية كيبلغ من العمر 35 سنة وكيعاني من مرض نفسي وعاش حياة مضطربة حسب ما صرح بيه الشقيق ديالو.

ووفقا للمصدر ذاته، طرات الواقعة ليلة الثلاثاء / الأربعاء بعد اتهام الضحية بمحاولة سرقة بورطابل البوليسي اللي كان كيتعشى مع صحابو واللي طاردوه وشدوه، لكن المتهم بقى حاط ركبتو على عنق الضحية.

وحسب مقطع فيديو للواقعة، كاين شهود طلبو منو ما يبقاش مورك عليه بهذيك الطريقة، لكن الضابط ما عبرهمش، ومني جات دورية البوليس لقاو الضحية ميت رغم محاولات الإنعاش..

وأكدت مصادر الشرطة أن للمتوفى أكثر من 40 سجلا جنائيا، تشمل اعتقالات وحوادث. معظمها يتعلق ب المطايفات والسرقة والعنف. وقال شقيق الضحية : ” كان أخي يعاني من الفصام ، ولدينا كل التقارير، وكان في مستشفى للأمراض النفسية، ومنذ عام قفز من الطابق الثالث وأصيب بكسر في ساقه.. نحن مدمرون، نريد العدالة “.