الرئيسية > آش واقع > نايضة فهيئة الأطباء فعز أزمة كورونا.. استقالات بالجملة فالهيئة بسبب “طريقة التسيير اللي مكتحترمش القوانين”
13/07/2020 16:30 آش واقع

نايضة فهيئة الأطباء فعز أزمة كورونا.. استقالات بالجملة فالهيئة بسبب “طريقة التسيير اللي مكتحترمش القوانين”

نايضة فهيئة الأطباء فعز أزمة كورونا.. استقالات بالجملة فالهيئة بسبب “طريقة التسيير اللي مكتحترمش القوانين”

عفراء علوي محمدي- كود//

مجموعة من الأعضاء فالمجلس الوطني للهيئة الوطنية للأطباء قدمو استقالاتهم منها، فهذ الظرفية اللي كتعرف البلاد أزمة ديال انتشار فيروس كورونا المستجد.

وكتجي استقالة الأعضاء بسبب “طريقة تدبير وتسيير المجلس الوطني للهيئة” اللي كيشوفو أنها “ماكتحترمش مقتضيات القوانين المنظمة للهيئة، واللي هي على وجه التحديد القانون 08-12 والنظام الداخلي للهيئة”.

ومن ضمن الأعضاء اللي قدمو استقالتهم : نائب الكاتب العام للمجلس الوطني للهيئة، اللي قال أن قرارات الهيئة مكتخليهم يمارس صلاحياتو ويقوم بواجباتو داخل الهيئة، ثم أمينة مال الهيئة، اللي قالت أن هذ القرارات كتعرقل المهام ديالها كعضوة وكأمينة للمال واخا كتقوم بمجهود كبير، ثم نائبة أمينة المال اللي عزات سبب استقالتها لمخالفة القوانين وتغييب المجلس الوطني عند اتخاذ القرارات المهمة.

وحسب المعطيات المتوفرة، وصل عدد الاستقالات المقدمة لرئيس الهيئة، محمدين بوبكري، ل6 استقالات فالمجموع.

وحاولات “كود” تتواصل مع رئيس الهيئة باش تسولو على رأيو فهذ الاستقالات، وواش فعلا قرارات الهيئة كتخالف القانون أو لا، لكن هاتفو صونا دون جواب

موضوعات أخرى