كود سبور//

نايضة صباح اليوم الجمعة ففرنسا بسبب لاعب فريق نيس أليكسيس بيكا، اللي كيهدد بالانتحار من فوق شي كنطرة.

وحسب جريدة “ليكيب” الفرنسية، ونقلا عن وسائل إعلام محلية، فلاعب نيس أليكسيس بيكا، كيهدد بالانتحار وأنه باغي يلوح راسو من شي كنطرة ديال لوطورت A8 اللي بارتفاع 100 متر.

وحسب نفس المصدر، فكاين استنفار امني كبير والبوليس والبومبيا مشاو لمكان الحادث، وكيديرو مجهودات كبيرة باش يقنعو اللاعب مول 22 عام أنه يتراجع على الانتحار، وحتى نادي نيس صيفط طبيب نفساني يدوي معه، وتم الغاء ندوة صحافية كانت غدار اليوم بخصوص ماتش الفريق فالبطولة الفرنسية.