كود سبور//

نايضة ففرنسا صباح اليوم الثلاثاء، بسبب كيليان مبابي نجم باريس سان جرمان اللي قرر يمشي بحالو من الفريق، ونوضها هو ورئيس النادي ناصر الخليفي مؤخرا، قبل ماتش تولوز الويكاند اللي فات فبطولة فرنسا.

وعلن قبل لحظات الإسباني لويس إنريكي مدرب باريس سان جيرمان الفرنسي أن نجم الفريق كيليان مبابي موعت وما غايترينيش معهم فالحصة التدريبية ديال اليوم الثلاثاء، مع العلم أن هذا الخبر كيجي بعدما تخاصم مبابي الاحد الماضي، مع رئيس النادي ناصر الخليفي.

وكان حاضر كيليان مبابي البارح الاثنين فحفل جوائز الكرة الفرنسية وخدا أحسن لاعب فالبطولة الفرنسية، والغياب ديالو اليوم على تداريب باريس سان جرمان كيخلي الشكوك تحوم فعلاقة اللاعب مع إدارة النادي، وواش باقي مازال باغي يلعب مع PSG هاد ما تبقى من هاد الموسم الأخير له مع الفريق؟.