گود سبور//

نايضة فـ فرنسا بسبب الكراكاج اللي داروه گروب “وينرز” المساندة للوداد الرياضي، ليلة الجمعة-السبت الماضية فـ شوارع العاصمة الفرنسية باريس، بمناسبة الذكرى 20 لتأسيس المجموعة، ودخلو البوليس على الخط وبداو التحقيق.

وكشفت وسائل إعلام فرنسية منها RMC و Le Parisienأن هذا الكراكاج اللي دارو “وينرز” ف شوارع باريس يعتبر تجمع غير قانوني وأنهم ما خداوش تصريح باش يديروه والبارح الأحد تفتح تحقيق فـ القضية وتكلف بهذا التحقيق جهاز الأمن الإقليمي فـ باريس.

فليب گوجون عمدة الدائرة 15، وضح فـ تصريح على قناة BFMTV، وقال إن البوليس ما توصلو بحتى شي تبليغ بأن هذا التجمع د الكراكاج اللي دار وينرز عندو ترخيص، وأكد أن هذا الشي إخلال بالنظام العام وأنه ماشي مقبول نهائيا.

https://www.facebook.com/share/v/14LCNemWf4c/?mibextid=wwXIfr