كود سبور//

نايضة فـ الصبليون بين الاتحاد الإسباني لكرة القدم والبارصا بسبب لامين يامال، اللي تحيد من لاليست د المنتخب الإسباني بسبب عملية دارها على غفلة.

وأعلن الاتحاد الإسباني لكرة القدم استبعاد لامين يامال من لاليست د المنتخب الاسباني فـ الماتشات ضد جورجيا وتركيا فـ هاد التوقف الدولي، وحسب الطاقم الطبي د المنتخب الاسباني فـ هاد القرار جا حرصا على سلامة اللاعب.

وفـ بلاغ للاتحاد الاسباني لكرة القدم عبر الطاقم الطبي د منتخب إسبانيا على الصدمة والغضب ديالو بعدما توصل بخبر مع الواحدة و47 دقيقة من الليلة الماضية اليوم اللي بدا فيه المعسكر التدريبي للمنتخب، ان لامين يامال دار عملية فـ صباح نفس اليوم باش يعالج ألم منطقة العانة.

جريدة “ماركا” الإسبانية قالت ان الاتحاد الاسباني كاعيين على البارصا بسبب هذا العملية اللي دارو لامين يامال حيث ما قالو لهم والو، وان العلاقة بين الطرفين ما شي هي هاديك دابا.