كود سبور- كازا//

نايضة فستاد دونور اليوم السبت قبل من ماتش الرجاء الرياضي وأولمبيك اسفي ضمن الدورة 15 من البطولة الاحترافية.

بزاف من الجماهير الرجاوية جات للتيران من ورا لفطور ولقات البيبان مسدوين ديال مركب محمد الخامس، واخا عندهم التيكي د للماتش وكاين فيهم اللي عندو بطاقة الاشتراك السنوية، وهذا الشي يقدر يتسبب فشي احداث شغب واخا الأمور راه مازال متحكم فيها.

وكاين سوء تنظيم فهاد الماتش وشي حاجة ما مفهوماش فيما يخص التذاكر، والأمن والمشجعين لقاو ريوسهم متواجهين قدام بيبان مركب محمد الخامس، حيث الامن داير دورو وهو تأمين الملعب والمحيط ديالو والرجاويين جايين باغيين يتفرجو فالفريق ديالهم، والسؤال هنا هو كيفاش التيران عمر كولو ومازال الجمهور على برا كايقول ان عندو التيكي وبطائق الاشتراك.