عمر المزين – كود //

شهدت أشغال دورة فبراير لمجلس جماعة فاس، اليوم الإثنين، مشادات كلامية حادة بين حميد شباط، المستشار الجماعي عن حزب جبهة القوى الديمقراطية، ورئيس جماعة المدينة عبد السلامي البقالي، بسبب الإعلان عن إحداث شركة التنمية المحلية “موارد” والمصادقة على قانونها الأساسي.

شباط قال إن شركة التنمية المحلية أبانت عن فشلها بعدد من المدن، مضيفا بالقول: “إيلا كانت الشركة المفوض لها تدبير النقل الحضري لم تقم بدورها فتحو العروض وجيبو شركة أخرى. أما التنمية المحلية رابحين منها غير الناس اللي فالمكتب المديري ومارابح منها لا مستشار ولا المدينة وراه دوزنا شركة التنمية المحلية ديال فاس باركينكَ.. فين وصلات؟”.

وواصل شباط هجومه على مجلس جماعة العاصمة العلمية، وقال: “اليوم بغينا رجل واحد ومرا وحدة باش نشوفو مصلحة فاس. ماشي عيب تجي نقطة مقترحة من عند الوالي راه القانون يخول له ذلك. من حقو يصيفط نقطة في جدول الأعمال. راه التنمية المحلية تخلق مشاكل للمجلس وفيها مشكل خطير وهادشي خاصو نقاش معمق”.

https://www.facebook.com/Chabat.Hamid/videos/344810494163224

وخاطب شباط العمدة البقالي: “راك غادي فلخسران وهادشي ماشي طريقة لتدبير شؤون مدينة فاس”.

العمدة البقالي كعا بزاف على شباط ولم يتأخر في الرد عليه، وكَاليه “فاس فوق كتافي وماتقولش ماعارف، والمجلس عارف شنو كيدير ونتا اللي ماعارفش، وراه كل واحد معروف شكون هو، وخاصك تسحب الكلام اللي قلتي فحق المجلس باللي هو ماعارف والو.. المجلس والأغلبية القوية ديالنا كتدير خدمتها وعارفة كولشي”.