كود سبور//
كتعرف الاجواء قبل ماتش المنتخب الوطني المغربي ومنتخب البرازيل أجواء حماسية، وبزاف ديال الجماهير المغربية بدات كتوصل لتيران طنجة قبل ساعات من انطلاق اللقاء.
رمضان والصيام ما منعش الجماهير المغربية من أنها تشد الطريق إلى تيران طنجة باش تتفرج فالمنتخب الوطني المغربي، الرجال والعيالات والأطفال والعائلات كل شي لابسين التوني د المنتخب وجايين للملعب.
البنات والعيالات المغربيات ورجالهم وجدو الفطور اليوم بكري وجايين به للتيران باش يشجعو المنتخب الوطني المغربي ضد البرازيل، ولابسين مزيان ومقادين الحالة كيبانو بوكوسين وزوينين ومعولين على سهرة رمضانية هنا بملعب طنجة.
الماتش ما بين المغرب والبرازيل غيبدا مع 10 الليلة اليوم السبت فتيران طنجة ومن المنتظر تكون الأجواء حماسية فالمباراة، والمغاربة معولين يشجعو وليد الركراكي و وليداتو باش يربحو السامبا.
