وكالات //

بزاف المعجبين ديال مسلسل “فراندز” من الشينوا كاعين وماعجبهمش الحال بعدما تم نشر المسلسل لكن مقص الرقابة خدم وقطعو لقطات اللي كيدويو فيها على المثلية الجنسية.

الحلقة الخاصة (Friends – TheReunion) اللي جمعات أبطال المسلسل تم إعادة البث ديالها نهار 11 فبراير بعد النجاح الكبير، لكن المعجبين دارو هاشتاكَ باش يعبرو على الرفض ديالهم للرقابة اللي تدخلات وقطعات من اللقطات، وتم تداول الهاشتاكَ 54 مليون مرة من نهار الجمعة الفايتة.

ومن 2016 و السلطات الشينوية فارضة “مبادئ” توجيهية على جميع البرامج التلفزيونية باش مايتمش عرض أية قصص على المثليين أوالعلاقات خارج الزواج أوقصص الحب بين القاصرين، وكلها أمور محظورة فالبلاد اللي كيقودها الحزب الشيوعي الصيني.