كود سبور//

كاعي البرتغالي جوزي گوميز مدرب الزمالك المصري على الفريق ديالو، حيث خسرو البارح الاحد لالي ديال فينال كأس الكونفدرالية الإفريقية أمام نهضة بركان فتيران بركان.

ومقلق مدرب الزمالك گوميز بزاف على اللاعبين ديالو وماراضيش على النيفو ديالهم فماتش لالي ضد نهضة بركان وخسارتهم بنتيجة 2 لواحد، وكاعي عليهم بزاف حيث ما عطاوش داكشي اللي كان كيتسنا منهم.

وغايدير مدرب الزمالك گوميز اجتماع مع لاعبين الفريق ملي يوصلو لمصر قبل ما يبداو يوجدو لماتش الروتور ضد نهضة بركان الاحد الجاي فالقاهرة، ومن المنتظر ينتقد ويدور فاللاعبين ديالو على النتيجة والمستوى اللي بانو به.