كود الرباط//
نايضة وسط التقدم والاشتراكية، شي كيشرق وشي كيغرب، دايرين جوج تكثلاث، واحدة مع نبيل بنعبد الله الأمين العام للحزب، وتيار معارض كيبغي يدير الخدمة ديالو بكل حرية واستقلالية بعيدا عن تأثيرات “أصدقاء” نبيل بنعبد الله.
وحسب مصادر “كود” فإن بنعبد الله تدخل في أكثر من مرة لصالح مسؤولين تحوم حولهم شبهات كثيرة، لعل أبرزهم البرلماني المدان بالسجن سعيد الزايدي، باش يحضر لجلسة افتتاح البرلمان، إضافة إلى مساندته ودعمه له، وكذا تدخله لدى الفريق البرلماني من أجل وقف انتقادات لبعض الوزراء خصوصا ديال البام.
اخر تدخلات نبيل فالفريق البرلماني هو استدعاء مسؤول مؤسسة عمومية غارقا فضايح، واش حيث صاحبو ؟ .
نبيل كان وزير سابق فالتعمير عندو علاقات مع مسؤولين وشخصيات فعدة مؤسسات عمومية، طبعا مكيبغيش يخسر الخاطر ليهم ولو على حساب الدستور اللي كينص بلي خاص المعارضة دير الرقابة عليهم.
نبيبل عندو علاقة جيدة بالبام كذلك، وهادشي كيفسر علاش البي بي إس مكياهجمش وزراء البام.
