الرئيسية > آش واقع > نايضة على الفوسفاط المغربي فمريكان: منافسين ديال المكتب الشريف للفوسفاط كيضربو مصالح المغرب وباغين تفرض رسوم جمراكية على الأسمدة لي كيصدر لوسي بي لمريكان
25/07/2020 07:00 آش واقع

نايضة على الفوسفاط المغربي فمريكان: منافسين ديال المكتب الشريف للفوسفاط كيضربو مصالح المغرب وباغين تفرض رسوم جمراكية على الأسمدة لي كيصدر لوسي بي لمريكان

نايضة على الفوسفاط المغربي فمريكان: منافسين ديال المكتب الشريف للفوسفاط كيضربو مصالح المغرب وباغين تفرض رسوم جمراكية على الأسمدة لي كيصدر لوسي بي لمريكان

هشام اعناجي – كود الرباط//

بدات السلطات الامريكية المكلفة بالتجارة فواحد التحقيق حول مبيعات الاسمدة ديال الأو سي بي تما لي وصلات لحوالي 727 مليون دولار العام لي فات، حسب ما قالت وكالة رويترز.

والهدف ديال هاد التحقيق هو فرض رسوم جمركية استثنائية تسمى ب countervailing duty ولي كاتجي كعقوبة الا كانت ديك الاسمدة مدعمة من طرف الدولة.

وهاد التحقيق جبداتو واحد الشركة امريكية من عمالقة صناعة الاسمدة في العالم اسمها موزاييك طحناتها أو سي بي “ocp ” في عقر دارها في ميريكان وحتا فاسيا وافريقيا.

وهاد الشركة ديال موزاييك على ما يبدو كاتستغل هاد النزعة ديال ترامب لي كايهبط بالرسوم الجمركية على اي دولة تنافس المنتوج الامريكي .

ولكن الا جاب الله فرضو هاد العقوبة على الاو سي بي فهاد الاخير يقدر يوقف كاع الصادرات ديال الاسمدة لميريكان ويبيعهوم فبلايص خرين حسب ما قاله مصدر لرويترز مؤكدا على ان او سي بي ما كايتلقا حتا دعم من عند الدولة.

راه OCP دارت مداخيل ديال 5,4 مليار دولار العام لي فات منها 727 مليون جات من مبيعات الميريكان يعني ماشي بزاف كاع .

ولي غادي اقدر اتضرر هو الفلاح الامريكي لي مولف اثمنة مناسبة ديال او سي بي.

صراحة الواحد كايفرح ملي كايشوف شركات مغربية مقودة وعندها وزن في الاسواق الدولية وكاتقصح الهضرة ملي كايبغي شيواحد اقيسها فالمصالح ديالها ماشي بحال الديبلوماسية الخافتة ديالنا.

موضوعات أخرى

15/08/2020 19:00

رباب ازماني مرات فريد غنام قصفات المتخلفين اللي سبوها بسباب لباسها: تربيت فبيئة نقية وكبرت متصالحة مع نفسي.. وكنشفق على هذ الناس اللي معذبين فالدنيا ولاخرة

15/08/2020 17:51

روكور جديد فهاد 24 ساعة.. 1776 مغربي تصابو بكورونا و21 ماتو و922 تشافاو.. الطوطال: 41017 مصاب و632 متوفي و28566 متعافي و11819 كيتعالجو