الرئيسية > تبركيك > نايضة على البوسط ديال رئاسة جامعة الحسن الثاني فكازا اللي كاينة هضرة كثيرة عليه
23/05/2022 10:00 تبركيك

نايضة على البوسط ديال رئاسة جامعة الحسن الثاني فكازا اللي كاينة هضرة كثيرة عليه

نايضة على البوسط ديال رئاسة جامعة الحسن الثاني فكازا اللي كاينة هضرة كثيرة عليه

سامي العلوي – كود كازا //

جامعة الحسن الثاني فالدار البيضاء حتى هي بدات كتنافس أختها جامعة الحسن الأول فالفضايح، فمن نهار جات الوزيرة ديال الأسرة والتضامن، عواطف حيار، للبوسط ديال رئيسة جامعة ضربها الخلا، بحيث، كيف قال مصدر “گود”، أن الوزيرة/الرئيسة القديمة ماقدراتش تسير أول اجتماع ليها ديال مجلس الجامعة، كون الرئيس السابق بالنيابة اللي هو كان ضابط أمورو مزيان.

دابا فالبلان ديال رئاسة جامعة الحسن الثاني باقي الأمور واقفة فبلاصتها، الوزير عبد اللطيف الميراوي ديال التعليم العالي والبحث العلمي والابتكار، قال للجنة ديال الكونكور ديرو ليا 5 دالسميات ومنهم ناخذو 3.

المعطيات كتشير بأن جوج من المرشحين صحابو وهما مدير مدرسة الفنون التطبيقية “ENSAM” وعميد كلية الطب والصيدلة، واخا اللي خص يكون مكلاسي اللول خص يكون مدوز أكثر من منصب واحد.

المهم راه جامعة الحسن الثاني بالدار البيضاء مزال ماعندهاش رئيس من نهار مشات عواطف حيار وزيرة ديال الأسرة والتضامن.

دابا راه خاص عبد اللطيف الميراوي وزير التعليم العالي والبحث العلمي والابتكار يبالي ويعرض على مجلس الحكومة يصادق على سمية وكنتمناو مايخالفش الهضرة ديالو ويخلي اللي يستحق ياخذها.

موضوعات أخرى

24/06/2022 23:00

الأحرار دار بيان تحطات فيه النقاط على الحروف فأحداث مليلية الخطيرة.. تضامن مع الضحايا والجرحى وتنويه بمهنية القوات العمومية وتأكيد على الاعتزاز بالشراكة بين المغرب وإسبانيا