الرئيسية > تبركيك > نايضة عاوتاني بين بريتني سبيرز وطليقها.. اتاهمها بسوء تربية ولادها وهي بالخف ردات عليه – ستوري
09/08/2022 03:00 تبركيك

نايضة عاوتاني بين بريتني سبيرز وطليقها.. اتاهمها بسوء تربية ولادها وهي بالخف ردات عليه – ستوري

نايضة عاوتاني بين بريتني سبيرز وطليقها.. اتاهمها بسوء تربية ولادها وهي بالخف ردات عليه – ستوري

وكالات //

الروينة نايضة عاوتاني بين المغنية الميريكانية بريتني سبيرز وراجلها السابق، هاد الأخير اللي قرر يخرج بتصريحات هاجمها فيهم بسباب علاقتها بولادها اللي خيابت مؤخرا، لدرجة أنهم ما حضروش لعرسها اللي دارتو مؤخرا مع صاحبها الإيراني الأصل سامي الأصغري.

كيفن فيدرلاين قال أن بريتني سبيرز ما تصلاحش تكون أم لأنها عقدات ولادها، وزاد قال الوصاية ديال باباها  كانت فصالحها لأنها كانت مبلية وحياتها مرونة وكان ضروري يكون شي شخص يقابلها.

بريتني سبيرز نشرات من بعد هاد التصريحات ديال طليقها تدوينة عبر خاصية ال”ستوري”  فالكونط ديالو “أنستكَرام”، كتأسف للهضرة والهجوم ديال كيفن عليها واللي خرج فيها جزء من حياتهم الخاصة للعلن وماحتارمش خصوصية أطراف العائلة الأخرى، وهادشي قلقها بزاف.

بريتني سبيرز أكدات أنها عطات لولادها كلشي وما بخلات عليهم بوالو، وهما مراهقين كانت تربيتهم صعيبة بزاف، هادشي اللي خلا الأم ديالها تنصحها باش تصيفطهم يترباو عند باهم.

موضوعات أخرى

28/09/2022 09:00

واش اقتحام لمغاربة للتيران فبرشلونة هدية فابور لليمين المتطرف؟ بوكس: الاسلمة وتكوين گيطوهات غادي ويتمدد فكاطالونيا وبلا مراقبة

28/09/2022 08:00

مصدر فالديوانة لجورنال اسباني : المنتوجات المغربية بوحدها اللي غادي تدخل لسبتة عبر الجمارك التجارية والواردات الاسبانية غادي تدخل للمغرب من طنجة