گود سبور//

نايضة الروينة فمدينة آسفي قبل ماتش أولمبيك آسفي والوداد الرياضي ضمن ذهاب ربع نهائي كأس الكونفيدرالية الإفريقية اليوم الاحد، ومحيط تيران المسيرة الخضراء فيه فوضى كبيرة.

وكشفت مصادر “گود”، أن الجمهور ديال الوداد الرياضي تنقل بأعداد كبيرة كثر من عدد التذاكر المخصصة له، وكثر من 5000 مشجع ودادي وصل لآسفي باش يتفرج فماتش الحمرا ضد المسفيويين، فالوقت اللي مخصصة غير 1500 تذكرة، والسؤال هنا واش التذاكر اللي قدرو يوصلو بهم هاد المشجعين حتى لمحيط الملعب، فيهم تذاكر مزورين؟ ولا تعطات كثر من 1500 تذكرة من إدارة أولمبيك آسفي للوداديين يشريوهم من الدار البيضاء بتنسيق بين أولمبيك آسفي والوداد؟

هذا المشكل راه خلق فوضى بين الجماهير تطورت لأحداث عنف وشغب بين محسوبين على جماهير الفريقين، وكان ممكن تتطور لأكثر من هذا الشي، لولا تدخل السلطات وراه شي ممتلكات كانت فيها خسائر نتيجة ديال الشغب وتبادل العنف بين الجماهير.