كود علي الصافي ///
الحزب الشعبي الاسباني هاجم عدم استقبال رئيس الحكومة پيدرو سانشيث وقال احد مساعدي الامين العام للحزب الشعبي استيبان گونزاليس “هادي راها اهانة ليك” واضاف “ما كايناش شي اهانة كبر من يتخلى عليك كلشي فالمغرب”
وكتب المسؤول عن الحزب الشعبي “غادي بنص حكومتك باش ترضيهم والملك ما يستقبلكش وتقبل غير باتصال هاتفي” وتساءل المسؤول عن الحزب الشعبي “واش سانشيث حر مع المغرب اللي متجاهلو”
مونكلوا =رئاسة الحكومة الصبليونية= قللات من هاد الانتقادات. قالت كيف نقلات صحف ديالهم٬ “كنفضلو علاقات شخصية قوية على صورة عادية وبروطوكولية”.
اما الڤاريس وزير الخارجية فقد هاجم تصريح الحزب الشعبي المعارض وقال باللي تصريحو على عدم استقبال الملك محمد السادس لسانشيث كيبين باللي ما كيفهم حتى وزة فالعلاقات بين الدول. واضاف وزير الخارجية فتصريح للصحافة بالرباط “اللقاءات العليا المشتركة ما عمر شارك فيهم الملك” وهدر على ان “الاهم” راه هدرو فالتلفون”
المحللون الاسبان فقنواتهم اليوم 2 فبراير 2023 ما فهموش كيفاش الملك محمد السادس فسابقة ما عمرها كانت فالاجتماعات العليا المشتركة٬ ما استقبلش رئيس الحكومة ديالهم. طبعا شي هاجم سيدنا وشي انتاقدو وشي هاجم لمغرب.
المهم ما تسرطاتش ليهم خاصة باش قال سيدنا وفق بيان الديوان الملكي لسانشيت وسير حتى ترجع وتكون “مناسبة سانحة لتعزيز العلاقات الثنائية بشكل أكبر، من خلال اعتماد مبادرات ملموسة تتميز بالنجاعة، وبمشاريع فعلية في مختلف المجالات الاستراتيجية ذات المنفعة المشتركة”. يعني راك ما جبتي والو
الفاريس تصريح لحزب ما كيعرفش اش كتعني العلاقات بين الدولاتصال هاتفي مهم تهدر فالتلفون على صورة بروطوكوليةاللقاءات العليا المشتركة ما عمر شارك فيها الملك
