كود – وكالات//

فالصباح اليوم الأحد، الرئيس دونالد ترامب كتب على المنصة ديالو الاجتماعية “تروث سوشيال”: “إيران صرحات بلي غادي تضرب بالجهد كثر من قبل “ترامب زاد وقال: “من الأفضل ما يديروهاش، حيت إلا هجمو علينا، غادي نضربوهم بواحد الطريقة لي عمرهم ما شافوها”.

وفنفس الوقت، الرئيس الروسي فلاديمير بوتين قال على اغتيال المرشد الأعلى الإيراني آية الله علي خامنئي لي وقع فالضربات الأمريكية والإسرائيلية بأنه “عملية وحشية” كتخالف الأخلاق والقانون الدولي.

بوتين صيفط رسالة لنظيره الإيراني مسعود بيزشكيان نشرها الكرملين، عزا فيها اغتيال خامنئي، وقال بأن العملية للي تنفذت “خرجات على كاع معايير الأخلاق الإنسانية والقانون الدولي”.

هاد الأحداث خلات بزاف ديال المظاهرات فالعالم، بحال فالعراق ملي مئات المتظاهرين حاولوا يهجمو على المنطقة الخضرا فبغداد، لي فيها السفارة الأمريكية وحتى فباكستان فمدينة كراتشي قوات الأمن قتلات 8 دالناس ملي حاولوا يدخلو للقنصلية  الأمريكية حسب ما قالت خدمات الطوارئ المحلية.