گود سبور- القاهرة//
نايضة فشوارع العاصمة المصرية القاهرة بسبب فينال كأس الكونفدرالية الأفريقية بين نهضة بركان والزمالك المصري، اللي غايتلعب اليوم الاحد فاستاد القاهرة الدولي.
وكتعيش شوارع القاهرة حسب ما صوراتو كاميرا “گود” أجواء ماشي عادية وجماهير الزمالك خارجين للشوارع من ظهر اليوم الاحد بالتونيات ديال فريقهم والدنيا كلها بيضا باللون ديال الزمالك.
وقالو الزمالكاويين لميكرو “گود” أنهم باغيين يربحو كأس الكونفدرالية الأفريقية على ظهر نهضة بركان، ولكن راه خايفيين من الفريق المغربي حيث فريق قوي ومزيان، وفريقهم عندو مشاكل مؤخرا، ولكن كيتحلفو وكيأكدو أن لاكوب غايبقى فالقاهرة.
وديما مع الجمهور المصري فالقاهرة، وهاد المرة مع جمهور الأهلي المصري اللي مقوس على الزمالك، عبر عدد منهم لميكرو “گود”، على أنهم غايشجعو نهضة بركان ضد فالزمالك المصري، حيث الغريم ديالهم وأن الكأس غايمشي للمغرب وبعدما يخسرو الزمالك مع نهضة بركان.
