الرئيسية > آش واقع > نايضة بين بايدن ومنظمة الصحة العالمية على أصل كورونا.. وخبير فالمنظمة: ماتيقوش بميريكان
11/02/2021 06:00 آش واقع

نايضة بين بايدن ومنظمة الصحة العالمية على أصل كورونا.. وخبير فالمنظمة: ماتيقوش بميريكان

نايضة بين بايدن ومنظمة الصحة العالمية على أصل كورونا.. وخبير فالمنظمة: ماتيقوش بميريكان

كود – وكالات//

خبير فمنظمة الصحة العالمية شكك فمصداقية المعلومات اللي عطات ميريكان حول منشأ فيروس كورونا المستجد.

وكتب بيتر دازاك العضو في البعثة فتويت ليه “ماتيقوش فالمعلومات الأمريكية اللي فيها أخطاء”.

وهذ التويت جا كتعليق لصريحات عطاها المتحدث باسم الخارجية الأمريكية فحكومة الرئيس جو بايدن، اللي طلب فيها تجنب تبني استنتاجات خبراء المنظمة والشفافية ديالها، اللي دارو جولة فووهان باش يعرفو مصدر الوباء.

وبعد 4 دالسيمانات فووهان، أكدو لبارح الثلاثاء خبراء منظمة الصحة العالمية أنهم “ماتمكنوش من تحقيق استنتاجات ملموسة بشأن منشأ الفيروس الذي يواصل التفشي في العالم”، لكن “من المستبعد يكون تسرب من مختبر ووهان للمنتوجات البيولوجية”، وهذ الهضرة هي اللي استبعدات صحتها ميريكان.

وكان سبق لإدارة الرئيس السابق، دونالد ترامب، اتهمات معهد علم الفيروسات فووهان على أنه سمح بتسرب الفيروس، بلعاني او بدون قصد.

موضوعات أخرى