وكالات//

تقارير إعلامية قالت إن بروكلين بيكهام عبّر على استيائه من منشورات التهنئة اللي شاركها والديه ديفيد بيكهام وفيكتوريا بيكهام فوسائل التواصل الاجتماعي.

وحسب نفس التقارير، بروكلين شاف أن هاد المنشورات فيها نوع من الاستعراض وما كتعكسش الواقع.

والأكثر صدمة هو أنه سبق وبعث رسالة قانونية لوالديه، طالب فيها يوقفو أي تواصل مباشر معه، ويكون التعامل غير عبر المحامين.

فالمقابل، بان بروكلين منسجم بزاف مع امراتو نيكولا بيلتز، وشارك فيديو وهو كيطفّي شموع عيد ميلادو فوق دونات، وشكرها بشكل خاص.

هاد الخلاف ماشي جديد، حيث كان بروكلين نشر بيان فـيناير اللي فات وقال فيه إن المشاكل بدات من نهار تلغى تصميم فستان زفاف امراتو فآخر لحظة، وكاين حتى ضغوط تعرض ليها بخصوص الاسم ديالو.