گود سبور//

نايضة بسبب غلاء تذاكر كاس العالم 2026، اللي غادي تكون الصيف الجاي فـ الميريكان وكندا والمكسيك، والجمهور بدا كايتشكا وكايطالب الاتحاد الدولي التدخل باش ينقصو فـ الثمن.

وراسلت رابطة مشجعي كرة القدم فـ أوروبا، رئيس الاتحاد الدولي لكرة القدم السويسري جياني انفانتينو للاحتجاج على أسعار اثمنة تذاكر كاس العالم 2026، وطالباتو يتدخل لحل هذا المشكل.

وقالت الرابطة فـ بلاغ لها ان نهج الفيفا هو خيانة جسيمة للجماهير، وان المشجعين غايخلصو 6900 اورو اي حوالي 8098 دولار باش يحضرو گاع الماتشات من اول مباراة حتى للفينال، يعني الثمن مدوبل 5 المرات على اللي كان عليه فـ قطر، ووصفت هذا الشي بالانتهاك الصارخ لتقاليد كاس العالم وتجاهل المشجعين اللي كايعطيو طعم للبطولة، وطالبت الفيفا توقف دغيا بيع التذاكر، وتگلس مع جميع الأطراف ومراجعة الاثمنة باش يلقاو حل يرضي گاع الأطراف.

اما بالنسبة لتذاكر ماتشات المنتخب الوطني المغربي فكتبدا من 265 دولا للماتش الاول ضد البرازيل، و 220 دولار للماتش الثاني ضد أسكتلندا، و 180 دولار للماتش الثالث ضد هايتي، هذا بالنسبة لدور المجموعات.