كود سبور//

نايضة فمنتخب الكونكو اللي كاين فالكروب 5 ديال المنتخب المغربي ضمن اقصائيات مونديال 2026، بسبب الخسارة امام منتخب زامبيا عن الجولة الاولى.

وكشف الصحافي الفرنسي رومانو مولينا، فتغريدة على موقع “X” ان 6 لاعبين من الكونغو اعتزلوا دوليا الكورة، وهذا الشي بسبب الخسارة أمام زامبيا.

وحسب نفس المصدر، فالقضية فالمنتخب الكونكولي صعيبة، وكاينة خلافات مع الاتحاد ديال الكورة ووزارة الرياضي فالكونكو.

المؤشرات كتقول ان مصير منتخب الكونكو يقدر يكون بحال مصير منتخب اريتريا اللي انسحب، بسبب ازمة مالية خانقة، فالوقت اللي كتقول معلومات اخرى ان اريتريا انسحبت حيث خافت اللاعبين ديالها يمشيو يطلبو لها اللجوء فشي دولة من الدول اللي غيلعبو مع منتخباتها.