​أيوب الطنطاوي-كود//

كانو لقاو جثة طفلة مرمية فغابة بمقاطعة “كاثوا “المعزولة في جبال الهمالايا في أواخر يناير لي فات، ولكن تفاصيل الجريمة المروعة عاد بانت بعد تحقيق قامت بيه الشرطة هاذ الشهر.

ووفقا لتقارير، فتم تخدير الطفلة لي كتنتامي لقبيلة فقيرة من الرحل المسلمين، والاعتداء عليها واحتجازها وسط معبد، وكانت كتتعرض للاغتصاب الجماعي مرارا وتكرارا من قبل ستة رجال وبعدها قتلوها .

ومن بين الرجال الي شداتهم الشرطة، مسؤول حكومي متقاعد وربعة ديال ضباط شرطة وشاب قاصر، وكلهم كينتميو لجماعة هندوسية محلية ، شاركت فنزاع على الأرض مع البدو المسلمين.

وتأجج الغضب بعدما حضر وزير من حزب قومي الهندوسي ، مظاهرة لدعم الرجال المتهمين وليس تنديدا بالجريمة لي تعرضات ليها الضحية .