كود الرباط //
علمت “گود” من مصدر مطلع، أن خلافات داخل اللجنة بين الوزارية المكونة من وزارات الصحة والخارجية والداخلية، وصلت إلى الباب المسدود بخصوص تدبير فتح الحدود وتنظيم دخول المسافرين إلى المملكة.
وأوضحت مصادر “گود” أن من بين الخلافات البارزة طريقة تدبير دخول المسافرين، بحيث أن وزارة الصحة بغات تفرض رأي متشدد بهاد الخصوص، مضيفة “وزارة الصحة كتقول بلي ضروري نديرو تيست رابيد في المطارات أثناء دخول المسافرين، بالرغم من توفرهم على الجواز الصحي وتيست PCR ديال 48 ساعة”.
دبا كاين نقاش وسط اللجنة بين وزارية، الداخلية والخارجية مبغاوش تشديد الإجراءات ديال الدخول، كولشي عارف السياحة مهلوكة واي إجراء يقدر يزعج السياحة والمغاربة لي باغي يجيو لبلادنا يقدر يرجه علينا ببومزوي.
مسؤولي الصحة كيقولو بلي ميمكنش نغامرو بالأمن الصحي والسيادة الصحية لبلادنا وخاص تشديد الإجراءات.
دبا القرار ديال هاد الإجراءات غالبا غايخرج فهاد 48 ساعة.
يشار إلى أن السلطات المغربية قررت إعادة فتح المجال الجوي للبلاد أمام الرحلات الدولية اعتبارا من 7 فبراير، بعد إغلاقها منذ نهاية نونبر 2021 لمواجهة انتشار فيروس كورونا.
